Жәңгір хан атындағы БҚАТУ 2022 жылдан бері сапаны бақылау 5 жұмыс пакеті бойынша көшбасшы болып бекітілген. Бұл жұмыс пакетін іске асыру бағыттарының бірі – Сапаны басқару тобының қызметі.
2023 жылдың 16 наурызында ZOOM платформасы негізінде Эразмус+ бағдарламасының «Компьютерлік ғылымдар саласындағы докторанттар мен жас зерттеушілерге арналған озық орталық» (ACeSYRI) жобасының (тіркеу номері 610166-EPP-1-2019-1-SK-EPPKA2-CBHE-JP) сапаны басқару тобының жиналысы өтті.
Кездесу барысында жобаның сапа бойынша офицері Сұлтанова Замзагүл АУЭС-те (Алматы энергетика және байланыс университеті) өткен Координациялық жиналыстың қорытындысы бойынша сауалнама нәтижелерін баяндады, сонымен қатар сыртқы аудиторды таңдау критерийлері және жұмыс пакетін әрі қарай іске асыру сұрақтары талқыланды.