2020 жылдың 5 қыркүйегінде 609757-EPP-1-2019-1-RS-EPPKA2-CBHE-JP «Қазақстандағы индустриалды автоматика және робототехника бойынша қосарлы білім беру» / DIARKAZ жобасы бойынша «Қосарлы білім беру негіздері» тақырыбында семинар өтті. Оған Нови Сад университеті (Сербия), FH JOANNEUM Gesellschaft mbH (Қолданбалы ғылымдар университеті, Австрия), Баден-Вюртемберг қосарлы білім беру университеті (Германия), Қазақстанның жоғары оқу орындары (Жәңгір хан атындағы БҚАТУ, ҚИнЭУ, Инновациялық Еуразия Университеті), сондай-ақ «СарыарқаАвтоПром» және «Орал трансформатор зауыты» ЖШС өкілдері қатысты. Семинар дәріскері Қолданбалы ғылымдар университетінің доценті Хаген Хохриннер (Австрия). Семинарда қосарлы білім беру мәселелері: тұжырымдама, ұйымдастыру, контентті әзірлеу, дипломдық жұмыстың сапасын, құрылымын және ұйымдастырылуын қамтамасыз ету, академиялық жетістік, бакалавриат пен магистратураның қос бағдарламаларының сабақтастығы қарастырылды. Сондай-ақ «Жұмыс негізінде оқыту» және «Жетістік факторы» туралы түсінік берді. Семинар қазақстандық ЖОО мамандарының білім деңгейін арттыруға және тәжірибе алмасуға мүмкіндік берді. Осылайша, білім беру бағдарламаларының сапасы, студенттерді оқыту сапасы жақсарады.