15 мамырда ҚИнЭУ ЖОО өнеркәсіпті автоматтандыру және робототехника саласындағы жұмыс берушілерімен онлайн-кездесу өткізілді. Кездесуге жоба серіктесі «СарыаркаАвтоПром» ЖШС, Корпоративтік университет басшысы Олкинян Л.Ю., Первоналды оқыту және дамыту орталығының басшысы Аубакирова М.Б., бас механик Щербаков М.А., БӨҚжәнеА инженерлері Макаев С.Т., жобаның ассоциацияланған серіктестері Қазақстандық автоматтандыру және робототехника ассоциациясының президенті Туреханов В.Б. және Festo AG&Co компаниялар тобының оқу бөлімшесінің директоры Кусков С.О. қатысты. Жобаның серіктес-ұйымдарынан басқа кездесуге Қазақстанның өзге де кәсіпорындарының өкілдері қатысты. Кездесу барысында «Өнеркәсіптік автоматтандыру және робототехника» білім беру бағдарламасының түлектеріне қажетті шеберлік пен құзыреттіліктер, білім беру бағдарламасының мазмұны, жұмыс берушілердің дуалдық білім беру бағдарламасына қатысу мүмкіндігі мен шарттары, дуалдық оқытуды ұйымдастыру әдістемесі («ЖОО-кәсіпорын» оқыту сызбасы) талқыланды. Қазақстанда кәсіпорындар мен ЖОО өзара әрекеттесу тетіктерін әзірлеу жөніндегі ауқымды жұмыс күтілуде. Жұмыс берушілермен өткен кездесу – бұл осындай ынтымақтастықтың дамуына және нығаюына кезекті үлес.
- 5 мамыр жұма күні жоба серіктесі – австриялық FH Joanneum университетінің профессоры Х. Хохринер қосарлы білім беру бағдарламасын және қосарлы оқыту процессін әзірлеу әдіснамасы жөніндегі үшсағаттық вебинар өткізді. Профессор Х.Хохринер өзінің ЖОО тәжірибесіне сүйене отырып, қосарлы оқытуды ұйымдастырудың негізгі сәттерін егжей-тегжейлі түсіндірді. Қазіргі сәтте ҚИнЭУ, ИНЕУ және БҚАТУ зерттеушілері «Өнеркәсіптік автоматтандыру және робототехника» білім беру бағдарламасының жобаларын әзірледі, сондықтан қосарлы оқыту процессінің және кәсіпорындармен ынтымақтастық жолдарын іздестіру қазақстандық ЖОО үшін өзекті болып табылады. Австриялық әріптестердің Германия университеттерімен қатар қосарлы білім берудің көшбасшыларының бірі ретіндегі тәжірибесі қазақстандық серіктестер үшін өте пайдалы, бірақ әдіс-тәсілдердің барлығы Қазақстан жағдайында қолданыла бермейді. Сондықтан, үш қазақстандық ЖОО жобалаушы топтарының республикада қосарлы білім беруді дамытудың өзіндік жолын іздестіру үшін көп жұмысы бар.
- «Шетелдік тәжірибеге сүйене отырып, білім беру бағдарламаларын және өлшенетін оқу нәтижелерін жасаудың қағидалары мен тәжірибесі»